Strandagaldur vinnur í samvinnu við Náttúrustofu Vestfjarða að fornleifarannsóknum á minjum baskneskra hvalveiðimanna á Strákatanga í Hveravík í Steingrímsfirði. Stefnt er að því að í framtíðinni verði hægt að nýta staðinn sem athyglisverðan stað í ferðaþjónustu og að Steingrímsfjörður verði Mekka hvalaskoðunar úr landi á Íslandi. Til þess að svo megi vera þarf að skrásetja hvalakomur í Steingrímsfjörð og reyna að sjá nokkuð nákvæmlega hvar og hvenær árs er von til þess að sjá hvali, en það er nokkuð algeng sjón að sjá hvalavöður og einstaka hvali á firðinum.

Read more...

Strandagaldur hefur gengið til liðs við alla frambjóðendur og kjósendur í landinu og tekið saman á sérstökum kosningavef góð ráð sem duga vel í komandi sveitarstjórnarkosningum sem fara fram næstkomandi laugardag. Þar er meðal annars að finna ráð til frambjóðenda að afla fylgis og að hafa betur í kappræðum. Kjósendur geta leitað ráða til að komandi sveitarstjórnarmenn gangi ekki á bak orða sinna og vinni og dugi vel næsta kjörtímabil. Slóðina inn á kosningavef galdramanna á Ströndum er að finna hér.

Snjáfjallasetur á Snæfjallaströnd í Ísafjarðardjúpi mun þann 24. júní næstkomandi halda málþing og efna til sýningar um Spánverjavígin sem áttu sér stað árið 1615. Verkefnið er unnið í samvinnu við verkefnið Vestfirði á miðöldum, Strandagaldur, Náttúrustofu Vestfjarða og fleiri aðila. Sýningin og málþingið verða í Dalbæ á Snæfjallaströnd 24. júní 2006 kl. 15-18, í næsta nágrenni við þá staði þar sem vígin áttu sér stað. Er ókeypis á málþingið og sýninguna þennan dag. Á dagskránni er einnig vettvangsskoðun með leiðsögn í Æðey, Sandeyri og Ögur.

Read more...

Síðastliðið haust var hafist handa við fornleifarannsóknir á Strákatanga í Hveravík við norðanverðan Steingrímsfjörð. Þá voru grafnir könnunarskurðir til að kanna búsetu baskneskra hvalveiðimanna á Ströndum. Nú hefur Fornleifasjóður styrkt áframhaldandi vinnu við verkefnið, en Baskarannsóknin var ein af sjö fornleifarannsóknum sem fengu styrk úr sjóðnum á þessu ári. Fékkst 600 þúsund til framhaldsrannsóknar, en unnið er að fjármögnun víðar til að hægt sé að vinna áfram að verkefninu næstu ár.

Read more...