Image
Hvalur á Steingrímsfirði
Strandagaldur vinnur í samvinnu við Náttúrustofu Vestfjarða að fornleifarannsóknum á minjum baskneskra hvalveiðimanna á Strákatanga í Hveravík í Steingrímsfirði. Stefnt er að því að í framtíðinni verði hægt að nýta staðinn sem athyglisverðan stað í ferðaþjónustu og að Steingrímsfjörður verði Mekka hvalaskoðunar úr landi á Íslandi. Til þess að svo megi vera þarf að skrásetja hvalakomur í Steingrímsfjörð og reyna að sjá nokkuð nákvæmlega hvar og hvenær árs er von til þess að sjá hvali, en það er nokkuð algeng sjón að sjá hvalavöður og einstaka hvali á firðinum.

Strandagaldur hefur því beint þeim óskum til íbúa við Steingrímsfjörð að láta vita af hvalasýn og tilkynna það til skrifstofu Strandagaldurs sem mun halda skrá um hvalakomur og reyna að átta sig á því á hvaða árstíma er mest von fyrir ferðamenn að berja þessi risaspendýr augum. Vonast er eftir góðu samstarfi við íbúa Steingrímsfjarðar og gert er ráð fyrir því að þessar rannsóknir standi yfir í þrjú til fjögur ár.

Þegar tilkynnt er um hvalasýn er beðið um að fram komi hvaða dag það átti sér stað, á hvaða tíma dags og hvar viðkomandi var staðsettur við fjörðinn þegar hann sá hvalina á firðinum. Allar ljósmyndir af hvölum í Steingrímsfirði eru vel þegnar og þær mega vel vera teknar úr nokkurri fjarlægð. Netfang Strandagaldurs er This e-mail address is being protected from spambots. You need JavaScript enabled to view it og síminn er 451 3528.